الدليل الشامل لربح المال من الانترنت ـ الجزء الاول

السلام عليكم شبابنة الحلوين ...  ان شاء الله بصحة وسلامة

------((اطلب منك 5 دقايق اقرة وجرب وانت مخسران اي شي))-------

اكو سالفة جديدة منتشرة بالانترنت هالايام انه تكدر تحصل فلوس من الانترنت يأما تربح فلوس او تشتغل وتحصل بالمقابل على اجر بسيط على عمل معين او مهمة معينة.

والطرق طبعا كلش هواية وكل يوم تطلع طريقة شكل لان اكو ناس يشتغلون ويفكرون مو مثلنة احنة

منكم راح يكول جذب او متحصل شي او ميصدكون انه اكو ربح فلوس من النت او اكو ناس اصلا ميدرون اكو هيج شي طبعا احب اكولكم انه هذا الشي موجود ومنتشر بكثررررررة وهو عالم بحد ذاته وخاصة الاجانب اكثر من العرب بس العرب الهم نصيب نكدر نكول عليه مو شوية.

واني احجي عن تجربة شخصية وحصلت على مبلغ جيد وعندي هسا بالبنك الالكتروني بحساب PayPal فلوس محصلهة من الانترنت بلاش يعني مصارف اي شي من جيبي.

طبعا هذا الدليل ميحتاج معرفة او اي خبرة سابقة بس مطلوب منك انه تعرف تستخدم الماوس!!! يعني كلش سهل

احب اوضح بعض النقاط قبل اي شي :

وهم راح اكولك راح يصيبك الملل ويصيبك مرات الاحباط ، بس كل هذا يستاهل $$$ ( هههههههه ).

وشوية تعب مثل كل واحد يبدي بعمل جديد ومثلي اني (تعبت وحصلت يعني صدك مستفاد) والحمد لله اكد اكول جنت محظوظ لان دخلت لهذا العالم الواسع وظليت عليه وما استسلمت وعفتة ورحت وتدرون انه اهم الاسباب للنجاح باي شي بالحياة هو عدم الاستسلام وهذا اللي يفرق الناجحين عن الخاسرين.

ما شاء الله احنة العراقيين خبرة بهاي السالفة من اول الدرب اذا شفناه صعب كلمن لزم دشداتة بسنونة وخمط نعالة وفلت (لحد ياخذهة على روحة هذا بس مثال ، ترة اني هم جنت افلت من الشغلات الصعبة ^_^ ).

بس كلت خلي اكمل واجرب واني مخسران اي شي بدال ما اكضي وقتي واضيعة بالفيس والتسخيت على النت اطفر من موقع لثاني ومواضيع تافهة خلي استفيد منه بشي يفيدني هية كلها ساعة بس ، قحط خلي اجرب.

  اخير شي قبل منبدي الشرح :

على بركة الله نبدي الشرح :

راح اكتب الطرق اللي اعرفهة واللي مجربهة :

اولا : الربح من تشغيل برنامج على الحاسبة

هاي الطريقة تشتغل بيهة عدة شركات منها IPUS و CoinBeez و DigitalGenerations

فكرة هاي الشركات هي صنع كمبيوتر خارق عن طريق ربط كل الحواسيب الشخصية بشبكة واحدة لتنفيذ العمليات الحسابية حيث تقوم هذه الشركة بتنصيب برنامج على الحاسبة يقوم هذا البرنامج باخذ حوالي 2 % من سرعة المعالج (مراح تاثر على سرعة الحاسبة ابدا اصلا متحس انه هذا البرنامج يشتغل) ، راح يتبادر لذهنكم سؤال هو خاف هذا فايروس واني اكولكم لا موفايروس ولا اختراق لانها شركات موثوقة وعملاقة ودفعت اكثر من مليون دولار لمشتركيهة وهاي الشركات صادقة تريد تشتغل وتربح وتنطي جزء للمشتركين.

((هذا شرح شلون تسوي حساب PayPal واذا تريد تسوي حساب بغير بنك دور بالكوكل وانت تلكة مثل Payza و NETELLER طبعا اكو بعد بس هذني الاكثر شهرة ، شرح حساب PayPal منا الفديو ))

                            

كل ما عليك فعله :

هو ترك البرنامج يعمل على الحاسبة اكبر وقت ممكن يعني تعوف البرنامج وتروح تنام لو تاكل ، معليك بي هو يشتغل وحدة بس عوف الحاسبة تشتغل والبرنامج يشتغل وراح تشوف فلوسك تزيد!

*طبعا طريقة حديثة وسهلة جدا لربح المال من الانترنت واني انصح بيهة

راح اكتب شرح مبسط عن كل شركة :

نفس الشرح اللي كتبتة فوك بس الوارد من المال يعتمد على مواصفات وقوة حاسبتك يعني كلما حاسبتك مواصفاته عالية وقوية راح تحصل على فلوس اكثر!

سجل بالشركة من هذا الرابط :

http://www.ipuservices.com/user/signup/?referred_by=IPU036539

وتابع وياي الشرح بالصور شلون تسجل : اول ماتفتح الرابط راح تطلعلك مثل اللي بالصورة :

وراها تفتح البرنامج اللي موجود اختصارة بسطح المكتب لو تروح لمكان التنصيب الاصلي ووتفتح البرنامج ، وراها تكتب الاسم اللي سجلت بي والباسوورد وراح يفتح البرنامج وراح تشوف بي مواصفات حاسبك وقدرتهة واحصئيات تكدر منه تعرف شكد راح تحصل باليوم.

راح يتراوح ربحك لليوم الواحد من نص دولار الى 100 $ حسب مواصفات حاسبتك

اني اكدر احصل تقريبا على 2 $ دولار باليوم يعني 60 $ بالشهر باحصائيات البرنامج التجريبي

وهاي فلوس سهلة وانت متسوي اي شي بس عايف البرنامج يشتغل تكدر تكول الربح من هاي الطريقة مو هواي !!

بس مقارنا بالجهد المبذول يعني انت كل شهر تحصل على اقل شي 30 $ بالشهر بدون اي تعب!!!!

((والله صدك ميفتهم اللي ميشترك ، بس تعوف البرنامج يشتغل ماكو اسهل من هاي الطريقة))

الشركة الثانية هي :

نفس شركة IPUS :

سجل بهاي الشركة منا : http://www.coinbeez.com/18039

وتابع شرح التسجيل بهاي الشركة من خلال الصور التالية :

  

وهذا جدول يبين نسبة الارباح اللي راح تحصلهة لمن تنصب البرنامج وتعوفة مفتوح

مبروك عليك التسجيل  انتظر الى ان ينزل البرنامج مال هاي الشركة وعن قريب كلشيكولون نهاي هذا الشهر

 يعني 1 / 11 / 2013

اول ماينزل راح ارفعة الكم على الشير وتدللون

الشركة الثالثة : هي شركة

نفس الشركات اللي شرحتهن قبل شوية بس يختلف انه هاي تنطيك معدل ثابت هو 1 $ باليوم وتكدر تشتري منهم Threads علمود تزود ارباحك وهذا الجدول راح يبين نسبة الارباح واسعار الـ Threads ، طبعا هاي الشركة اقدم من بقية الشركات والبرنامج مالتهة كامل وتكدر تنزلة مباشرا.

سجل بهاي الشركة من هذا الرابط : http://coingeneration.com/auth/new/520039/

لمن تفتح الرابط تابع الشرح وياي بالصور :

ومبروك عليك التسجيل بهاي الشركة وبهذا انتهى شرح الجزء الاول

 واوعدكم ورة فترة قليلة راح انزل الشرح مال الجزء الثاني مال شركات الضغط على الاعلانات PTC وهاي الطريقة مضمونة ومتحتاج اي فلوس ولااستثمار يعني تبدي من الصفر ويوصل ربحك حوالي اكثر من 1000 $ بالشهر!!! والاثبات موجود واني رابح منهم.

اذا عدكم اي استفسار او اي سؤال تكدرون تسالوني او تكتبون بالتعليقات 

صفحة المدونة في الفيس بوك
       صفحة الربح المضمون من الانترنت